INFORIN AKTIV

Qo‘llash ko‘rsatmalari:
Kattalar va 12 yoshdan katta bolalar uchun:

• Mushak va bo‘g‘im og‘riqlari (turli sabablarga ko‘ra yuzaga kelgan)da, shuningdek yengil travmatik shikastlanishlarda (pay cho‘zilishi, lat yeyish, sport jarohatlari) og‘riq va yallig‘lanishni kamaytirish uchun mahalliy simptomatik davolash maqsadida.

• Revmatizm bilan bog‘liq og‘riq sindromini kompleks davolashda.

Qo‘llash usuli va dozalari:
Faqat tashqi qo‘llash uchun. Kattalar, 12 yoshdan katta bolalar va keksalar uchun:
1 dan 4 sm gacha gel (1 sm gel ustunchasi ~0,55 g ni tashkil qiladi) og‘riqli joyga surtiladi va asta-sekin teriga singmaguncha ishqalab qo‘llanadi. Zarurat tug‘ilganda, kuniga eng ko‘pi bilan uch martagacha qo‘llash mumkin. Har bir qo‘llash orasida kamida 4 soat tanaffus bo‘lishi lozim.

Agar 2 haftalik davolanishdan so‘ng yaxshilanish kuzatilmasa, shifokorga murojaat qilish kerak.

12 yoshdan kichik bolalar:
Xavfsizlik va samaradorlikka oid ma’lumotlar mavjud emasligi sababli, 12 yoshgacha bo‘lgan bolalarda preparatni qo‘llash tavsiya etilmaydi.

Qariyalar:
Keksalarda barcha nosteroid yallig‘lanishga qarshi dorilar (NYQD)ni ehtiyotkorlik bilan qo‘llash kerak, chunki ular nojo‘ya ta’sirlar rivojlanishiga ko‘proq moyil bo‘lishi mumkin.

Jigar va buyrak faoliyati buzilgan bemorlar:
Yengil yoki o‘rtacha darajadagi jigar yoki buyrak yetishmovchiligi bo‘lgan bemorlarga ibuprofen saqlovchi preparatlar eng kam samarali dozalarda va imkon qadar qisqa muddatda, klinik belgilarni bartaraf etish uchun zarur bo‘lgan davrda qo‘llanishi kerak.