BEBIKOL

Qo‘llanilishi:

• Me’da-ichak traktida ortiqcha gaz hosil bo‘lishi va to‘planishi: meteorizm belgilari (oshqozon sohasida to‘lishish va siqilish hissi, ichakning shishishi), aerofagiya, dispepsiya;

• Yangi tug‘ilgan chaqaloqlar va emizikli bolalarda ichak og‘riqlari (kolikalar);

• Operatsiyalardan keyingi ortiqcha gaz hosil bo‘lishi;

• Qorin bo‘shlig‘i va kichik tos a’zolarini diagnostik tekshiruvlarga tayyorgarlik (UZI, rentgen va h.k.), shu jumladan ikki kontrastli tasvir olish uchun kontrast modda suspenziyalariga qo‘shimcha sifatida;

• Yuvish vositalarining tarkibidagi faol moddalardan (tenzidlar) zaharlanishlarda ko‘pikni yo‘qotuvchi vosita sifatida.

Qo‘llash usuli va dozalari:

Flakon iste’mol qilishdan oldin chayqatish kerak. Preparat ovqatlanish vaqtida yoki ovqatdan keyin, zarur bo‘lsa, uxlashdan oldin ham ichiladi. 6 oylikkacha bo‘lgan chaqaloqlar: 5-10 tomchidan kuniga 4 mahal; 6-12 oylik bolalar: 10-20 tomchidan kuniga 4 mahal; 1 yoshdan katta bolalar: 20-25 tomchidan kuniga 4 mahal; yoki shifokor ko‘rsatmasi bo‘yicha.